Имаме голема Чест и особено задоволство во името на Здружението на неонатолози да ви посакаме срдечно добредојде на Симпозиумот “Неонатолошки денови – Јубилеен собир на неонатолози на РМ“ кој ќе се одржи на 19 и 20 октомври 2023 г. во хотел Хилтон – Скопје. Ќе имаме можност да ги споделиме досегашните искуства и да ги слушнеме новините во Неонатологијата.
Грижата за новородените во Македонија е вековна но обединувањето во различни друштва и здруженија заслужува јубилејно одбележување. Особено ќе ни биде драго што имаме можност да им се заблагодариме и да бидеме во друштво на основоположниците на оваа специјалност и сите кои се заслужни за развојот и успехот на Неонатологијата во Македонија.
Настанот ќе има холистички и мултидисциплинарен пристап па учество ќе земат неонатолози, специјалисти педијатри и наши соработници.
Ќе слушнеме разни теми и професионални достигнувања кои се приоритетни во грижата на најмалите.
Најмалите го заслужуваат најдоброто за почеток во своите животни приказни, па затоа обединети да им ја дадеме нашата поддршка!
Проф. д-р Силвана Наунова Тимовска
Здружението на неонатолозите на РМ