Почитувани колеги, драги пријатели,
Во име на Македонското Здружение за Гастроентерохепатологија, чест ми е да ве поканам да бидете дел од нашиот 11ти Конгрес со меѓународно учество.
Уште еднаш во античкиот Охрид од 25ти до 28ми мај 2023 г., во хотелскиот комплекс Метропол, ќе разменуваме нови знаења и идеи, слушајки ги домашните и светски познатите експерти, кои ќе зборуваат за различни и предизвикувачки теми.
Нашата идеја е да истражиме различни полиња од гастроентерологијата и хепатологијата, почнувајки од патологијата, преку клиничката слика, дијагностичките методи и целите на лекувањето, било да се конзервативни, ендоскопски или хируршки.
Ќе ни биде големо задоволство да бидеме ваши домаќини и заеднички да ја делиме возбудата во светот на науката и во вистинскиот живот!
Се радувам на нашата нова средба!
Мери Трајковска
Претседател
Македонско Здружение за Гастроентерохепатологија